نص التحقيقات التي تتخيله "الوفد" للوزير سوف تتم مع الوزير.
س- اسمك بالكامل وسنك وعنوانك؟
ج - حبيب ابراهيم العادلي السن 73 سنة اسكن بشارع سوريا بالمهندسين.
س - ما هو قولك فيما هو منسوب اليك من تهمة قتل المتظاهرين؟
ج - أنا مقتلتش حد أنا كنت قاعد في المكتب واعطيت تعليمات الفورية للقيادات الامنية بالتعامل مع المتظاهرين في حالة دخولهم ميدان التحرير وده بناء علي تعليمات القيادة السياسية.
س - انت متهم بقتل 365 شخصا وإصابة 5 آلاف آخرين
ج - بعترف اني المسئول الأول عن الامن الداخلي في مصر لكن انا مقتلتش حد س - انت متهم بإثارة الفوضي والرعب في نفوس المواطنين ما قولك
ج - انا مفتحتش حاجة هما اللي هربوا من الاقسام والسجون بعد ما ولعوا فيها
س- كنت فين يوم 28 يناير الساعة الثالثة عصراً؟
ج - أنا كنت موجوداً في مكتبي بالوزارة بتابع الموقف مع القيادات الامنية علشان المتظاهرين ما يدخلوش ميدان التحرير.
س- وبعدين إيه اللي حصل؟
ج - مافيش أعطيت تعليمات للقيادات الامنية بإطلاق القنابل المسيلة للدموع علي الشباب المتظاهرين لارهابهم وإجبارهم للعودة لمنازلهم.
س - انت عارف أن المظاهرة اللي قام بها الشباب سلمية
ج - نعم انا عارف المظاهرة سلمية للمطالبة بحقوقهم المشروعة في الحرية
س - ليه أعطيت تعليماتك للضباط بإطلاق الرصاص الحي والقنابل المسيلة للدموع عليهم
ج - انا أعطيت تعليماتي للقيادات بالتعامل وده الحل الوحيد امامي
س - انت بتعترف انك أصدرت تعليمات بالضرب
ج - أيوه يافندم لكن أنا لم أقتل أحداً.
س - ماهو قولك فيما هو منسوب إليك أنك أصدرت تعليمات بفتح سجون مصر
ج - محصلش المتهمون هما اللي هربوا من السجون
س- انت متهم بإثارة الفوضي في مصر بعد ان أصدرت تعليماتك بالانسحاب.
ج - انا فعلا أعطيت تعليمات للقيادات والضباط بالانسحاب الفوري بعد نفاد الذخيرة لأن الضباط مكنش معاهم ذخيرة كافية لضرب المتظاهرين واصدرت تعليمات بالانسحاب
س - انت متهم بالتربح وغسل الاموال والرشوة ماقولك
ج - لا الكلام ده محصلش انا ثروتي كلها 8 مليارات جنيه بس خلال فترة رئاسة الوزارة يعني رقم مش كبير علي وزير في منصبي وزير للداخلية علي مدار 14 سنة
باقي الوزراء اخدوا اكتر مني بعشرين مرة
س- انت متهم بغسل الاموال والرشوة من بعض المقاولين واصحاب الشركات التي تتعامل مع الوزارة
ج - انا مش شايف الموضوع فيه رشوة لأن البلد كلها كده ده كومشن يعني نصيبي في الصفة اللي بتم يعني حق مشروع.
س - انت متهم بتعذيب المواطنين وانتهاك حقوق الانسان
ج - دي ملفقة حد شافني بعذب مواطن قبل كده أو حتي ظهرت علي مقطع فيديو وبعدين الضباط عندنا بيتعملوا مع المتهمين بطريقتهم
س - انت متهم بغسل الاموال.
ج - الكلام ده مش صح انا معملتش حاجة زي كده وانا اشتريت قطعة أرض متميزة جدا بالتجمع الخامس عن طريق الوزير أحمد المغربي وبعتها لشركة زوبعة للمقاولات 4.5 مليون جنيه بس.
س - ما هو قولك حول قيامك بتخصيص ارض بمنتجع النخيل بالقاهرة الجديدة.
ج - لا دي قطعة ارض صغيرة من الأراضي اللي عندي اللي اخذتها من الدولة دي مساحتها 1756 متر بس تمنها كان 126 ألف جنيه.
س - انت متهم بالتربح من وظيفتك كوزير للداخلية
ج - أيوه اعترف اني دخلت الوزارة لم يدخل جيبي غير راتبي فقط وبعدها عرفت اكون ثروة محترمة من تجارة الاراضي وآخذ نسب من المقاولين والرشاوي. س - انت متهم بالتستر والاشتراك في تزوير انتخابات مجلس الشعب.
ج - دي كانت تعليمات.
س- من الذي اعطي لك التعليمات؟
ج- التعليمات دي كانت من القيادة السياسية واحمد عز.
س- وما مضمون التعليمات؟
ج- ترك اللجان لمرشحي الوطني حتي يتمكنوا من تزوير الانتخابات والوصول للمجلس.
س- انت بتعترف باشتراك في تزوير الانتخابات.
ج- ايوه طبعا بتزوير الانتخابات البرلمانية وتم إعطاء تعليمات صارمة لمباحث أمن الدولة بتزوير الانتخابات بمختلف المحافظات لصلح المرشحين بالحزب الوطني.
س- انت متهم باضطهاد بعض القيادات الامنية خلال فترة توليك الوزارة.
ج- ايوه لاني كنت خايف منهم علشان الكرسي والمنصب اللي انا موجود فيه وقمت بالاطاحة والتنكيل بهم حتي لاتظهر نجوميتهم.
س- هل كنت تتوقع أن عمليات تزوير الانتخابات الأخيرة كانت هي الشرارة الأولي للمظاهرات الشبابية التي تقضي علي النظام؟
ج- لا لم اتوقع ان تكون ثورة الشباب تقضي علي النظام.
س- انت متهم باثارة الفتنة الطائفية في مصر.
ج- أيوه المسئول عن كده امن الدولة هما اللي بيكتبوا لي التقارير.
0 التعليقات:
إرسال تعليق
أضف تعليق