طاطي راسك طاطي طاطي .. إنت في وطن ديمقراطي

 

لما تكون شغال بزمه .. خايف علي مصلحة الأمة

شغلك يطلع من غير لزمه .. علشان ما بيعلاش غير واطي

طاطي راسك طاطي طاطي .. إنت في وطن ديمقراطي

ولما شقاك يصبح مش ليك .. فقرك سد السكه عليك

تتلفت تلقاه حواليك .. إما حرامي أو متعاطي

طاطي راسك طاطي طاطي .. إنت في وطن ديمقراطي

ولما الجهلة يبقوا أمامك .. أو فوقك ماسكين في زمامك

ويسوقك ع الهلكة إمامك .. تشرب من السم السقراطي

طاطي راسك طاطي طاطي .. إنت في وطن ديمقراطي

ولما الكلمه تكون بتدينك .. لما تخبي في قلبك دينك

لما الذل أشوف في عينك .. هات إحباطك علي إحباطي

طاطي راسك طاطي طاطي .. إنت في وطن ديمقراطي

ولما حاميها يكون حراميها .. وبلاده ورا ضهره راميها

طالع نازل واكل بيها .. مسنود بالبدله الظباطي

طاطي راسك طاطي طاطي .. إنت في وطن ديمقراطي
........
باذن الله انا نازل يوم 27 مايو علشان انا مصرى بجد وبحلم بمصر جديدة 
وكمان علشان دم الشهداء .. وكل مصرى اتاكل حقه هنزل علشان فاهم 
وقادر على تحقيق مطالبنا باذن الله علشان كلنا شباب مصر ايد واحدة 
احنا اللى هنغيير مش هنستنى حد 


" لقد هرمنا " على رأسنا يبقى احنا اللى هنغير ولن يخدعنا أحد يا ......... 

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.