بسم الله الرحمن الرحيم
تولى الرئيس الجديد جمال مبارك المنصب وذلك بعد التعديلات الدستورية الجديدة التى وافق عليها أعضاء الحزب الوطنى فى مجلس الشعب الى أكتر من نصهم ناجحين أنتم عارفين أزاى ليتأكد بذلك تحول جمهورية مصر الى المملكة المصرية وتوريث السلطة....جاء ذلك بعد موافقة أعضاء مجلس الشعب من الحزب الوطنى ووسط تهليل جميع الأعضاء بالروح بالدم نفديك يامبارك ونسيوا يقولوا جمال مبارك
وهو ده اللى حصل وبعد ظهوره فى قناة المحور ووعوده للشعب من كل طوائفه ما ادله كل هذا هل جمال سيكون هههههههه مش عارف اقولها ازاى لكن جمال داس فى البلد هو اولى من غيره لانه ناس بتقول لسه هيجى واحد جديد منعرفوش ولسه هيدوس فى البلد لكن جمال داس وتعب من الدوسان ممكن يبص للشعب المصرى ويظبطه صح ده مش انا اللى بقول كدة دى ناس تانية اللى بتقول
احنا شعب مصرى تعبنا كتير اوى ومفيش حد حس بينا تعالوا نبص للموضوع من الناحية اللى احنا عاوزينها او بمعنى اللى مش عارفينها او عارفين نوصلها ازاى
الشعب لى اللى بيمثله وممثل الشعب فين فى البرلمان واحنا بننتخب ناس مننا علشان تتكلم نيابة عننا بس المشكلة الناس مش بتفكر فينا بيفكروا فى حاجات تانية احنا كلنا عارفينها رغم ذلك بنرشحهم ومش بنطالب بحقوقنا بعد مينجحوا يعنى المشكلة فمين ؟؟
فينا احنا طبعا
احنا شعب ضائع وسط الطغاة زمان وانا صغير شوفت عنوان لكتاب اسمه " عندما يحكم الطغاة " انا مفهمتش الجملة دى افتكرت انها فى العالم التانى بس لما كبرت عرفت مين هما الطغاة
وبمشى فى الشارع بسمع ده وده وناس كتير بتكلم فى اى كلام وخلاص وفى مرة شوفت واحد بيقول لظابط انت مش عارف انا مين انا من اكبر قبيلة بص الظابط لامين الشرطة وقله قوله من اكبر قبيلة قاله قبيلة النسر اكبر قبيلة والنسر هما طبعا الداخليه يعنى الشرطة
الله حاجة غريبة اوى فرديت انا وقولتله لا انتم مش اكبر قبيلة باصلى واقلى امال مين اكبر قبيلة قولتله انا ضحك قدامى قالى وانت من قبيلة اى قولتله انا من قبيلة الشعب ايون الشعب اكبر قبيلة لان الشعب هو مصر ومصر هيا اهل مصر
ياريت يا جماعة نسيبنا من الفتن ومن الكلام اللى ملوش لازمة ونشوف احنا مين وعاوزين ايه ده احنا جدنا احمس وامنحتب وتوت وحورس احنا الفراعنة
فيريت نوقف كلنا وقفة واحدة ونشوف احنا عاوزين ايه ونعملوا واما نموت احسن لنا
ياااااااه هو اى هيحصل يعنى لو جى جمال و غيره ده الشعب تعبان اوى اوى وحنا شعب بتوع كلام كتير وقليل فعل
ردحذفنايس توبيك ومدونة
جمال جمال بس هو يجى
ردحذفمش ممكن جمال يعمل اللى محدش عمله قبله على الاقل
هو يعتبر من الشباب
متركزش جمال جمال على الاقل نشوف واحد جديد
موضوعك جميل بس برضه زى ما قلت العيب فينا
ردحذفلازم يكون للشعب دور فى اختيار من يمثله
واهو زهقنا من النعيم عاوزين يومين شقا