استراحة وتواصل .. السامر

ياليت ان الزمان يدور ويرجع وقتنا الأول وننعم في بساطتنا زمان أول احس انه زمان فيه صدق شعور نحب ونخلص النيه وتجمعنا محبتنا زمن مافيه لاغيبه ولاحتى نفاق وزور ياليته بس لو يرجع ونسترجع طفولتنا صغار قلوبنا بيضاء نعيش بعالم محصور ولا نعرف أبد اغراب مغير عيال حارتنا صحيح صغار في التفكير لاكن ماعلينا قصور نخطط نكسر اللعبة وتسعدنا شقاوتنا نروح المدرسة بدري ونضحك داخل الطابور نحاول نزعج العالم في روحتنا وجيتنا وعشان نأخر الحصه نخبي علبه الطبشور نشاغب بس في الآخر تميزنا براءتنا نحب الضحك والبسمة نحب ننط فوق السور نفرش ليه مانفرفش مادام الضحك عادتنا ولكن دارت الأيام وبان الخافي المستور وصار الهم متعلي على قمة سعادتنا كبرنا وصارت الدنيا تصف أحزاننا بالدور وتهدينا الألم والهم غصب عن عين رغبتنا تعبنا من بلا وينا أحد ضايق وأحد مقهور وكل غارق بهمه وفي الآخر تشتتنا وأنا ماقول غير الا ياليت ان الزمان يدور ويرجع للورا فتره نعدل وضع عيشتنا

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.