فرحان ياخالد سعيد

 

فرحان يا خالد سعيد
مرتاح في أعلي الجنان
انا شفت صورتك شهيد
وشوفت صورتك زمان

أكيد يا ولدي الجراح
خفت خلاص وارتحت
والدم ملو العنين
لما اتمسح فتحت

يا نور في قلب الطير
في ساحة الرحمان
أجر الشهاده كبير
في صحبة العدنان
الله يجازي البعيد
فرحان يا خالد سعيد

فرحان يا خالد سعيد
مرتاح في أعلي الجنان
انا شفت صورتك شهيد
وشوفت صورتك زمان


يا ابني منيش قادر
احبس دموع بتسيل
ولوني من غيرها
ازاي ههج للسيل

وتتملي الوديان
ويظهر الايمان
والظلم ليل ويفوت
انا شفت صورتك زمان
ولو يعود اللي كان
اختار يا ولدي الموت

وصحصح الاوطان
حركت قلب جبان
وقتلت فينا السكوت
قربت حلم بعيد
فرحان يا خالد سعيد

فرحان يا خالد سعيد
مرتاح في أعلي الجنان
انا شفت صورتك شهيد
وشوفت صورتك زمان


يا ابني متقلقشي
اهلك في عين بلدك
بلدك متزعلشي
ده انت في حمي ربك

شهدا كتير وياك
حلفو يكونو معاك
الله علي الاصحاب
كان نفسي ابئا هناك
علي بابها بستناك
وافتح بإيدي الباب
تدخل علي الجنه
الثوره مش منه
تمن الكرامه شباب
ونبني فجر جديد
فرحان يا خالد سعيد


فرحان يا خالد سعيد
مرتاح في أعلي الجنان
انا شفت صورتك شهيد
وشوفت صورتك زمان


انا نفسي اقول كلمه
يا ابني لوجه الله
رغم السعاده اليوم
خايف من اللي وراه
لما الغضب بيطيح
بيدور التجريح
ويموت الانسان

سيدنا الرسول المليح
قال في الحديث الصحيح
غضبنا مش ايمان
والخلق غضبانه
لو كنت ويانا
هتقول هدوء علشان
نفرح بيوم العيد
وياك يا خالد سعيد 

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.