باعوها و قبضوا التمـــــن

انجر فتّـة و حشوا فيـــه

كان قبلا اسمه الوطن

عشناه ب يضيع.. أمانيـه :

بيحلّ مكانها العفــــــن

غمسوا ب أسمى معانيــه

باعوها و قبضوا التمـــــن

كترت أياديهم عليـــه

و اكتر أسنان النتـــــــن

ضحكوا و احنا ب ناديـه

و احنا ب نبكيـه ف الزمــن

ضحكة المهووس تــــروس

تهرس ف المتعوس ب فــــنّ

و الأنجر فيه الحرامــــى

وحده هوه المؤتمــــــن

انجر فتّة و وزعوه باعوا فيه و خرّطوه

أصبح عادى حشّـهــم

أجيال طلعت من حشـــــاه

مفطومة على عهرهــم

و كأنه أصل الحيـــــاة !

من هنا عرفنا أكيـــد :

قـدّم ايه دم الشهيــد

علشان نبدأ من جديـــد

و همّـا فى جنّــة عـــدن
(انجر فتة و حشوا فيه
كان قبلا اسمه الوطن)

= انجر فتّـة يا معالــــق

مرتشى و داعر و ســارق

و الوطن بقى شكله حالـــق:
زلبطــة و سكعـــــوه
أخدوه و مرمطــــــوه
و المراد : ب يطـــوروه!!
و اللى شال رايته السوابق
و المبادىء ّودّعـــــوه


= انجر فتة يا بهاـــيم

حشّـتوه و كرشه عايـــم

و أقمتوا عليه الولايــم
و ناديتوه : يا خلق هوه

جم كلاب الصهيونيــــة

و همج كل البريـــــة

الخيانة بقـت وسيّـــة

و الخنازير الدعيّـــة:
ينحتـوه و يضعضعـــوه
مصمصونا و مصمصــــوه
و المراد : بيمدينـــوه!!

 خلّـتوه : عُملات عمــــولات

و عبدتـوه : عُـــــزة و لات

و منعتـوه الصــــــــلاوات 

 
إلا للوارث و ابـــوه 

انجر فته و حشّـتــوه
الشاعر : محمد فتحى غريب مواطن مصري

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.